Qendra e parë e akredituar e këtij lloji në Kosovë
Instituti Bioinvest është qendra e parë e akredituar në Kosovë për ofrimin e programeve të trajnimit dhe kualifikimit profesional në fushën e trajtimit të azbestit dhe materialeve me përmbajtje azbesti. Çdo certifikatë e lëshuar njihet sipas akreditimit kombëtar.
Akreditimi
Çdo program trajnimi përmbyllet me certifikatë profesionale të njohur në nivel kombëtar, të bazuar në legjislacionin në fuqi dhe praktikat më të mira ndërkombëtare.
Prof. Dr. Lulzim Zeneli
Themelues | Ekspert në mbrojtjen e mjedisit dhe menaxhimin e materialeve të rrezikshme | Trajner kryesor
Prof. Dr. Lulzim Zeneli është profesor universitar, shkencëtar dhe ekspert në fushën e kimisë toksikologjike, mbrojtjes së mjedisit, sigurisë dhe shëndetit në punë, si dhe trajtimit të materialeve të rrezikshme, përfshirë azbestin, PCB-të dhe mbetjet industriale. Me mbi dy dekada përvojë në arsimin e lartë, kërkimin shkencor, konsulencën dhe zhvillimin e programeve profesionale, ai është një nga ekspertët kryesorë në Kosovë në fushën e menaxhimit të materialeve të rrezikshme dhe mbrojtjes së mjedisit.
Ai është Profesor i Rregullt dhe autor i dhjetëra punimeve shkencore, librave universitarë dhe teksteve shkollore, duke dhënë një kontribut të rëndësishëm në zhvillimin e arsimit të lartë dhe kërkimit shkencor.
Prof. Dr. Zeneli është hartues i Standardit Profesional “Punëtor për Trajtimin e Azbestit dhe Materialeve me Përmbajtje Azbesti (MPA)”, standard i miratuar në kuadër të Sistemit Kombëtar të Kualifikimeve në Kosovë. Ky standard përbën bazën për përgatitjen, vlerësimin dhe certifikimin profesional të punëtorëve që angazhohen në trajtimin dhe menaxhimin e sigurt të materialeve me përmbajtje azbesti.
Si themelues i Institutit Bioinvest — Qendër për Trajnim dhe Konsulencë në Menaxhimin e Materialeve të Rrezikshme, ai udhëheq zhvillimin e programeve profesionale të trajnimit, kualifikimit dhe certifikimit në fushën e materialeve të rrezikshme, duke zbatuar standarde ndërkombëtare dhe praktikat më të mira evropiane.
Gjatë karrierës së tij ka udhëhequr dhe realizuar projekte të shumta në fushën e studimit dhe inventarizimit të materialeve me përmbajtje azbesti, vlerësimit të rrezikut, hartimit të planeve të menaxhimit të azbestit dhe monitorimit mjedisor, për institucione publike, industri dhe kompani private. Ai ka ofruar gjithashtu ekspertizë në hartimin e dokumentacionit teknik, procedurave operative, planeve të sigurisë dhe sistemeve të menaxhimit për materialet e rrezikshme.
Përmes veprimtarisë së tij akademike dhe profesionale, Prof. Dr. Zeneli synon të promovojë standardet më të larta të sigurisë, mbrojtjes së mjedisit dhe zhvillimit të qëndrueshëm, duke kontribuar në ngritjen e kapaciteteve profesionale dhe institucionale në Kosovë dhe më gjerë.
Profesionistë të certifikuar
Orë trajnimi të realizuara
Vite veprimtarie
Programe të akredituara
Nuk jeni të sigurt cili program ju përshtatet?
Na tregoni për punën dhe ekipin tuaj dhe ne ju rekomandojmë nivelin e duhur.